Mardoena toponimoa

 Arrasateko etxeen artean Mardoena izenekoa izan da eta horren gaineko informazioa Arrasateko toponimia liburuan dago, 149. or.:

Lekukoek bi mende hartzen dituzte eta hiru aldaera ezagutzen dira, Mardoena, Marduena eta Mardona. Zaharrena Mardoena da eta hori izango da etimologia bilatzeko abiaburua. Toponimoaren bukaeran etxe izenetan ohikoak diren -(r)en + -a daude. Oinarrian izenondo bat dago, mardo. Adiera egokiena, beharbada, bigarrena litzateke:

2. (V, Sal, S, R; Añ, Izt, Dv (V), H, Zam Voc), mardu (Dv (V), H). Ref.: A; EI 13; Iz UrrAnz, ArOñ; Etxba Eib; Elexp Berg.
(Ref. a seres animados).Lozano, gordo, rollizo, robusto.
[...]

Hitz honen lehenengo agerpen idatziak eta toponimoarenak garaikideak dira eta aipatutako adieran lehenengoa litzateke.
Ziurrenik mardo izenondoa izengoiti bihurtu zen eta horrela igaro zen etxe izen baten oinarria izatera.