Ataungo toponimoa da Lakindi. Lekuko zaharrik ez badago ere, Erdi Aroko antroponimo batekin ia erabateko homonimia duenez, pentsatzekoa da, beste kasu askotan bezala, antroponimoa toponimo bihurtu zela. Antroponimoa Lakendi edo Lakenti zen, latin jatorrikoa eta Bikendi bezala, belarea gordetakoa, hau da, mailegu zaharra dela, baina antroponimoa Erdi Aroan bizirik zegoen.
Aldaketa bakarra gertatu zen toponimo honetan, erdiko silabako bokala igo zela, azkeneko bokalarekin berdinduz, hau da, bokal asimilazioa gertatu zela: e-i > i-i, Mitxiliburua toponimoarekin bezala, nahiz eta horretan asimilazioa bi bokalekin gertatu zela.
Toponimo honek, ziurrenik, milurtea iraun du eta blog honetan behin eta berriz agertzen den bezala, antroponimo hutsa zen toponimo bihurtu zena, beste inolako gehigarririk gabe.
No hay comentarios:
Publicar un comentario