Lezoko baserrien artean bada Maintzinea izenekoa. Lekuko oso zaharrik ez dago, baina Iñaki Linazasorok bere Caseríos de Guipuzcoa liburuan aipatua zuen, izenean diferentziarik ez zela. Beharbada Lope de Isastiren Compendio historial de Guipuzcoa liburuan aipatzen duen Lezoko etxeen artean Mancia de Rementari egungo Maintzinea bada. Hala izanez gero, XVII. mendearen hasieran bazen Maintzinea toponimoa, nahiz eta izena bera ez izan.
Analisi etimologikoa erraza da, jakinik Ma(i)ntzia antroponimoa bazela, ondoren -(r)en + -a erantsi eta mendeen joanean Maintzinea bezala finkaturik gelditu zen. Blog honetako Maintzia toponimoan antroponimo bera genuke, dirudienez emakumezko izen horrek erabilera handikoa izan zen duela mende asko.
Irunen bazen Maintzi(y)a izeneko baserria, gaur egun Pio Baroja Institutua dagoen lekutik metro batzuk beherago. 1896-1901eko planoan ikus daiteke kokapena. XX. mendeko erdialdera arte ageri dira aipamenak, Irungo Udal Artxiboan.
ResponderEliminarBestalde, Hondarribiko Jaitzubia auzoan Maintzienea baserria dago/zegoen.