Irametazabal toponimoa

 Toponimo hau Ziortza ingurukoa zen, La Colegiata de Santa María de Cenarruza 1353-1515 liburukoa da eskuratu den lekuko bakarra, 60. agirian, 1512. urtean: Juan Perez abad de Yrametazabal.
Toponimoak bi zati lituzke, ira-meta hitz elkartua eta zabal. Interesgarriena ira-meta hitza da, Orotariko Euskal Hiztegiaren arabera, lekuko bakarra du, Azkueren hiztegia, XX. mende hasierakoa. Toponimo honek, beraz, 500 urte inguru aurreratuko luke hitz honen lehenengo agerpena.