Matxizoleta toponimoa

Matxizoleta da Atxondoko tontor bat, beraz, Bizkaiko toponimoa da.
Lekuko zaharrik ez badago ere, azterketa etimologikoa egin daiteke, jakinik Matxis antroponimo hipokoristikoa bazela. Matxizena toponimoan Matxis hipokoristikoaren Erdi Aroko lekuko zahar batzuk daude. Txistukariaren ezberdintasuna beharbada neutralizazioagatik agertu da, garai batetik s/z ez ziren bereizi eta hiztunek zuzentzat zutena idatziko zuten. Matxis oinarria bada, Martinen hipokoristikoa da, Matxi izenetik abiaturik.
Bukaeran -eta atzizkia dago eta aurrerago, ola izena, oso arrunta toponimian.