Loperreka toponimoa

 Loperreka da Erandioko larre baten izena eta baita Etxebarriko baserri batena ere. Azken honen lekuko zahar batzuk daude Nombres de familia y oicónimos en las fogueraciones de Bizkaia de los siglos XVII y XVIII izenburuko liburuan:

Lope Erreca [N, TO]
Lope_Erreca (la casa nueba de), Echauarria (San_Andres de), a.1799, FogVizcayaMs.

Loperreca [N, TO]
Lopeerreca (la casa de) [Unamunsaga (bereda de)], Echevarria (San_Andres de), a.1796, FogVizcayaMs.

Bi lekuko hauetan bi elementuak nabarmenak dira, egungo lekukoetan dagoen bokal fusioa gertatu ez delako eta, horrela, erraz ikusten dira, Lope antroponimoa eta erreka izen arrunta.
Lopaitz eta Loparria toponimoekin arazo bat zegoen oinarria antroponimoa zehazteko, Lop, Lope edo Lopa ziren aukeran zeudenak, baina ziurrenik Lope izango zen toponimo hauetan dagoena. Loperreka, aldiz, ezberdina da, XVIII. mende bukaeran ere jatorrizko izana gordea zelako, nahiz eta gerora bokal fusioa gertatu.